Silvester

Zwischn Weihnachdn und Neujahr is a Schneeschduam gwen.

A boa moi hama de Gäng ausgrobn miassn.

Und wias da Deifl hom wui, bin i an Sylvesda mid da Wach dro gwen.

Woa ollaaweil des Gleiche. Nach voan ausseschaung. Den Gang noch links und rechts kontrollian. S'Passwort imma wiedahoin damid mas ned vagissd. Und naddierle af a jeds Geräusch luan.

Es muaß um zwelfe in da Nachd gwen sei.

Vo da Gengseitn hea hob i oa a Lied singa hean. I woaß i kenn des. Foid ma ned ums varregga ei wia des af deitsch hoaßd. Bei da zwoaddn Schdroph is ma eigfoin: „Wer das scheiden hat erfunden, hat an sterben nie gedacht“ oder so. Do schdeh i muaddaseijn alloa middn en Rußland und dann des Lied! Des bassd ja sauwa hob i bei mia denkt. Und dabei bin i vo oam Fuaß afn andan gschdiegn, weil ma sunsd de Zehan dafroan waarn.

De Mäus ham se scho an uns gwöhnd, owa mia ned an sie. Dass oam in da Nachd iwan Bauch gloffa san hamma goa nimma gmeaggd. Und trotzdem mia unsa Brot an da Deggn afghengd hom, woa unsa Brot ogfressn und eahna Hinddalassnschaft woa ned zum iwasehng. Middn am Dog sans ganz unscheniad zwischn unsane Fiaß umananda gloffa. Wead ned lang dauan hob i zum Zabaglo gmoand, dann machas a Mandl und beddln uns o. Na ja, de Viecherl woin aa bloß lebn.

De Post hod inzwischn a funktioniad. Fia Baggerln hamma vom Schbieß schbezielle Briafmarkn griagd. De hamma dann an unsane Leit gschiggd und de hams afs Baggerl babbt.

Wenn Postvateilung gwen is woa des fia de oan a Mordsfreid und fia andare a Kaddastrophe. Manche ham nia Post griagd. Wia zum Beischbui mei Freind Zabaglo. Hab seltn so traurige Gsichdda gsehng, wenn oana koan Briaf oda a Baggerl griagd hod.

I woaß sogoa no mei Feldpost Nummer 48112. Des woa sovui wia de heitige Postleitzahl.

Wias nach a boa Wocha wärma woan is, bin i manchmoi a weng umananda gschdrawanddsd.

Hob ma genau de Umgebung ogschaut, damit i woaß in welche Richdung i flichddn muaß und wos noch Westn geht.

Silvester

Zwischen Weihnachten und Silvester war ein Schneesturm, ein paar Mal mussten wir die Gänge wieder ausgraben.

Und, wies der Teufel will, bin ich an Silvester mit der Wache dran gewesen.

Es war immer das Gleiche: nach vorn rausschauen, den Gang links und rechts kontrollieren, das Passwort immer wiederholen, damit man es nicht vergisst und natürlich auf jedes Geräusch lauschen.

Es muss um zwölf in der Nacht gewesen sein: Von der Gegenseite habe ich einige ein Lied singen gehört. Ich weiß, ich kenn das, aber es fällt mir absolut nicht ein wie das auf Deutsch heißt. Erst bei der zweiten Strophe bin ich drauf gekommen: „Wer das scheiden hat erfunden, hat an sterben nie gedacht...“ oder so. Da steh ich nun mutterseelenallein mitten in Russland und dann dieses Lied! „Das passt ja genau“, hab ich bei mir gedacht, und bin dabei von einem Fuß auf den anderen gestiegen, weil mir sonst die Zehen erfroren wären.

Die Mäuse haben sich schon an uns gewöhnt, aber wir uns nicht an sie. Dass sie einem in der Nacht über den Bauch gelaufen sind, haben wir gar nicht mehr gemerkt. Aber obwohl wir unser Brot an der Decke aufgehängt haben, war es angefressen, und ihre Hinterlassenschaften waren nicht zu übersehen.

Mitten am Tag sind sie ganz ungeniert zwischen unseren Füßen rumgelaufen.

„Wird nicht lang dauern“, hab ich zum Zabaglo gesagt, „dann machen sie Männchen und betteln uns an“.

Naja, die Tierchen wollen auch bloß leben!

Die Post hat inzwischen auch funktioniert. Für Päckchen haben wir vom Spieß spezielle Briefmarken bekommen, die haben wir dann an unsere Leute geschickt, und die haben sie aufs Päckchen geklebt.

Wenn Postverteilung gewesen ist, dann war das für die einen eine Riesenfreude und für andere eine Katastrophe. Manche haben nie Post gekriegt, wie zum Beispiel mein Freund Zabaglo.

Ich hab selten so traurige Gesichter gesehen, wie dann wenn einer keinen Brief oder kein Päckchen gekriegt hat.

Ich weiß sogar noch meine Feldpostnummer, die war 48112. Das war soviel wie heutzutage die Postleitzahl.

Als es nach ein paar Wochen wärmer geworden ist, bin ich manchmal ein wenig rumstrawanzt. Hab mir ganz genau die Umgebung angeschaut, damit ich weiß in welche Richtung ich flüchten muss, und wo es nach Westen geht.